tiktaktok

Gutxienez 60 ustezko taliban, tartean hiru buruzagi, hil dira eta beste hamarnaka zauritu, NATOk Kandaharren burutu duen bonbardaketa batean, polizia-iturriek Eferi jakinarazi diotenez.

NATOk, Afganistango Armadarekin elkarlanean, espioitza-txosten batzuk eskuratu zituen, eta horien arabera, Zherai barrutialdeko bi zonaldetan talibanak berriro biltzen ari ziren.

Gauzak horrela, operazio-militarra abian jarri zuten. Bonbardaketaren ondorioz zibilik eta Afganistango Armadako soldadurik ez dela hil adierazi dute bertako polizia-iturriek. Operazioa bart amaitu zen.

Bestalde, NATOren babesarekin jarduten duen Segurtasunaren Laguntzarako Nazioarteko Indarrak (ISAF) esan du operazioaren berririk ez duela. Hori dela eta, litekeena da bonbardaketa tropa estatubatuarrek egin izana.

2007/05/08

'Lapurra naiz. Wal-Marten lapurreta egin nuen'. Testu hori kamiseta batean jarrita lapurreta egin zuten dendaren aurrean ordu batzuez egotera behartu ditu epaile batek bi lapur, AEBetan.

Lapurrek bi larunbat eman behar zituzten horrela, dendaren aurrean 'posea' egiten. Edonola ere, epaileak beste alternatiba bat proposatu zien: 60 eguneko kartzela-zigorra. Eta lapurrak lapurrak direnez, baina ez tontoak, kamiseta janztea izan dute nahiago.

"Esan dizkiguten komentario bakarrak positiboak izan dira", azaldu du dendako arduradunak.

Zigortuetako batek (46 urteko emakume bat) ziurtatu du errugabea dela eta dendaren aurrealdetik pasa diren pertsona askok zigorra "krudela" dela esan diotela.

2007/05/14

Askok kontrakoa pentsatu ahal badute ere, maiatzaren 6a egun "zaila" izan zen Nicolas Sarkozy-rentzat. Frantziako presidente berria izateko ataritan zela, sesioa eduki zuen emaztearekin (Cecilia Sarkozy). Liskar handia, nonbait, emakumea haserretu zelako eta bozkatzera ez joateko erabakia hartu zuelako.

Eta hautsak harrotu ditu kontuak. Rue 98 webguneak zabaldu berri duenez, presioak egon dira Le Journal du Dimanche astekariak albistea argitara ez zezan.

Herriz herri AHTrik ez!!! Bizikleta martxa maiatzak 20, igandea

13.30 Andoaingo Goiko plazan martxei aurrera, triki poteoa gaztetxera, bazkari herrikoia, asanblada (AHTaren aurkako borroka eskualdetan)

Donostiako Boulebarretik 10,30tan

Alegiko plazatik 09,30tan

Andoaingo plazan elkartuko gara 13,30 tan, kalejiran gaztetxeraino bazkari herrikoia.

Asanblada

20,00tan Kontzertu sorpresa gaztetxean!!!

 ANIMA ZAITEZTE!!! DENOK AHTaren AURKA!

Herriaren hitza errespetatu! AHT gelditu!

Herriaren entzungogor eginez, AHTaren lanek aurrera diardute. Egoera latz honen aurrean, zer geratzen zaigu? BAda, erantzuleen aurrean, tinko eutsi eta berauek salatzea.
"Demokrazia" hitzarekin ahoa betetzen zaien une honetan, udal hauteskundeak direla eta, gauza bat dugu beraiei esateko; hain demokratak badira, herriari galde diezaiotela zer iruditzen zaien AHTaren afera eta behingoz hainbat herrietan egin diren herri galdeketei kasu eginez, AHTaren planak geldi ditzatela. Erokeria honi amaiera emateko garaia iritsi da.
Hau guztia dela medio, maiatzaren 17an, arratsaldeko 8etan PNVren batzokiaren aurrean herriaren hitza errespetatu! AHT gelditu! lemapean burutuko den elkarretaratzean parte hartzera gonbidatzen zaituztegu, guztion artean geldituko baitugu!

Andoaingo AHT gelditu Elkarlana